ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

បាល់ទាត់បុរស និងនារីជប៉ុន ដឹកដៃគ្នាឡើងវគ្គ ៨ក្រុមចុងក្រោយអូឡាំពិក

ជប៉ុន៖ វិញ្ញាសារបាល់ទាត់បុរស និងនារី នៃព្រឹត្តិការណ៍កីឡាអូឡាំពិក ទីក្រុងតូក្យូ ប្រទេសជប៉ុន បានរកឃើញបេក្ខភាពប្រទេសទាំង ៨ ទៅកាន់វគ្គបន្តហើយ ក្រោយពីវិញ្ញសារបាល់ទាត់នារីបានបញ្ចប់កាលពីថ្ងៃអង្គារ ទី២៧ ខណៈក្រុមបុរសបញ្ចប់ការប្រកួតក្នុងពូលនៅថ្ងៃព្រហស្បតិ៍ម្សិលមិញនេះ។

សម្រាប់វិញ្ញាសារបាល់ទាត់បុរស វេលាម៉ោង ៣រសៀល អេស្ប៉ាញ ជួបជាមួយក្រុមជម្រើសជាតិកូឌឺវ័រ នៅកីឡដ្ឋាន Rifu, ម្ចាស់ផ្ទះជប៉ុន ទទួលស្វាគមន៍ក្រុមណូវែលហ្សេឡង់ វេលាម៉ោង ៤រសៀលនាកីឡដ្ឋាន Kashima, ក្រុមការពារមេដាយមាសប្រេស៊ីល នឹងត្រូវជួបជាមួយអេហ្ស៊ីប វេលាម៉ោង ៥ល្ងាច នៅកីឡដ្ឋាន Saitama ខណៈក្រុមក្បែរខាងជប៉ុន កូរ៉េខាងត្បូង ជួបជាមួយម៉ិកស៊ិក វេលាម៉ោង ៦ល្ងាចនៅកីឡដ្ឋាន Yokohama។​ សូមបញ្ជាក់ថា ការប្រកួតទាំង ៤ នឹងធ្វើឡើងនៅថ្ងៃទី៣១ ខែកក្កដាខាងមុខនេះ ហើយពេលវេលាដែលបញ្ជាក់ខាងលើ គឺជាម៉ោងនៅប្រទេសកម្ពុជា។

ដោយឡែក វិញ្ញាសារបាល់ទាត់នារីវិញ កាណាដា នឹងត្រូវជួបជាមួយប្រេស៊ីល នៅកីឡដ្ឋាន Rifu វេលាម៉ោង ៣រសៀល, ចក្រភពអង់គ្លេស ជួបជាមួយអូស្រ្តាលី នៅកីឡដ្ឋាន Kashima វេលាម៉ោង ៤រសៀល, ស៊ុយអែត ជួបម្ចាស់ផ្ទះជប៉ុន នៅកីឡដ្ឋាន Saitama វេលាម៉ោង ៥ល្ងាច និងហូឡង់ ជួបសហរដ្ឋអាមេរិក វេលាម៉ោង ៦ល្ងាចនៅកីឡដ្ឋាន Yokohama។ សម្រាប់វិញ្ញសារបាល់ទាត់នារី នឹងប្រកួតនៅថ្ងៃទី៣០ ខែកក្កដាទាំង ៤ប្រកួត ខណៈពេលវេលាដែលបានបញ្ជាក់ខាងលើគឺជាម៉ោងនៅកម្ពុជា។

ការប្រកួតវគ្គផ្តាច់ព្រ័ត្រលើវិញ្ញសារបាល់ទាត់នារី នឹងធ្វើឡើងនៅកីឡដ្ឋានជាតិជប៉ុន ថ្ងៃទី៦ ខែសីហា ខណៈបាល់ទាត់បុរសវគ្គផ្តាច់ព្រ័ត្រ ធ្វើឡើងនៅកីឡដ្ឋាន Yokohama នៅថ្ងៃទី៧ ខែសីហាខាងមុខនេះ៕





ព័ត៌មានជាច្រើនទៀតសម្រាប់អ្នក